Ивгъуыд фæлладуадзæн бонты чырыстон диныл хæст адæм сбæрæг кодтой Куадзæны рухс бæрæгбон. Цæгат Ирыстоны уырнæг адæмæн та ацы хатт рауад уæлдай æхсызгондæр. Уымæн æмæ фыццаг хатт нæ республикæмæ Иерусалимæй схæццæ рухсхæссæг арт. Раздæр-иу æй сластой Мæскуыйæ. Дзæуджыхъæуы чырыстон дины хорзæхыл сæмбæлдысты мингай уырнæг адæм.
Чырыстон дины сæйраг бæрæгбон Куадзæны рухсхæссæг арт Ирыстонмæ сласынмæ нæ республикæйæ ацыдысты 30 адæймаджы. Ацы балцмæ уырнæг адæм зæрдиагæй æнхъæлмæ кастысты. Иерусалимы ис 7 дуары, иуæй иутыл дзы бацæуæн ис зæронд горæтмæ. Чырыстон адæмæн уалдай ахадгæдæр у Хуыцауы аргъуанмæ бацæуын.

Источник: ГТРК Алания