Цæгат Ирыстонмæ ссыд фыд Илий – Мæскуыйаг æмæ æппæт Уырысы патриарх Кириллы зондамонæг дины фарстаты. Республикæйы фæуыдзæн цалдæр боны. Йæ балцы сæйраг нысан у, Æфсæддон Иоанны номыл аргъуан куыд арæзт цæуы, уый фенын. Бабæрæг кæндзæн иннæ аргъуантæ дæр, фембæлдзæн уырнæг адæмимæ.

Фыд Илий Цæгат Ирыстонмæ куы ссæуы, уæд чырыстон адæмæн кæддæриддæр стыр цау вæййы. Ацы хатт дæр та йæ размæ ныццыдысты суанг аэропортмæ. Ам ыл сæмбæлд Дзæуджыхъæуккаг æмæ Алайнаг архиепископ Зосимæ дæр епархийы уæнгтимæ. Раарфæ йын кодтой республикæйы уырнæг адæмы номæй.

Источник: ГТРК Алания